- دخيلك .. لا تطوّلها !

سنينٍ بالعمر مرّت .. ودَمــــــــع العِين يغشااني !
سنينٍ أدثر أورآقي .. وريح الصّبح " تِكشفها " !

فقدته مِن سِكَن قلبي / وراح اليُوم .. خلّاني !
أبعثر بالألَم فيني .. دِمُوع الشّوق ( وأنثرها ) !

دقايق لو يمر طيفه .. أرُوح بْ عالمٍ ثاني ..
أبُوه الشّوق يا عالم .. ترا حالي مِبهذلها ..

قبل عَايش كذا عادي .. وجاء حبّك وِودّاني ..
لموطن ما اشوف إلا بِه ادروبك واعشقها ..

تصدق من كثر عشقي خيالك مرّ واعماني .. !
وصرت إنتَ الوحِيد اللي بِه أشعاري أردّدها , !

دخيلك لَا تطوّلها .. غيابِك حيل أشقااني .. !
سنِين العِمر قِد مرّت .. وانا ما غير أحسبها ..

حسبت البُعد لِه حيله .. و اثاري البُعد عُدواني !
مشاعر مالها غِيرك .. ولا غِيرك يروّضها .. !

ترا ما جاني في بُعدك .. كفايه حيل ما جاني !
دخيل الله لَو تدري .. عيُونِك " كِيف أنطرها " !

أقول الشّوق يَ حبّي .. تِقول الشّووق " يفداني " !
كذا واثق / ومِتمكّن .. خلايا القلب ’ تِملكها !

ترا لو كان هالإحساس .. رجُل بالحِيل عقلاني ..
ابد ما كان في ليله " دِمُوع الشّوق بعثرها " !

انا ما هزّ بي خافق .. وهدّ اليوم وجداني ..
سوا ذِيك المشاعر يوم .. يجي حسنٍ ويفتنها ..

ليا مِن لامس يْديني .. أضيع بْيدّه وأنساني ..
واقول اللّيله يا جعله " خلايا الرّوح يِحضنها " !

جعل مِن قلّب الذّكرى .. وجرّح قلبي أبكاني ..
يجيه الضّيم في غِيمه وكلّ افراحِه يهدِمها ..

- الحكي ضايع مَعاها وفيها : $

 
يومها تقبل تداعبني بسكوت
يومها مني ولا عني ابعدت

قلت انا للي يصادفها بتموت
بالحسن , ذيك البنيّه مَ اكْـتفت

لو حكينا وضاع فيها كلّ صوت
ما نوفّي جُزء منها لا احضرت

فيها طعمٍ احلى من سكر وتوت
فيها عطرٍ نفسي من شمّه اثملت ..

فيها قلبي لو بغت انه يموت .. !
مات قلبي فِدوَه للي إِطْلبَت ..

حبايب قلبي اللي متابعين = (

معليش ع القطعه عن المدوّنه ..

بس اختبآرات ومافيه الهام ض1

لكن العوض اول ما اخلص بإذن الله : $ ! 

حبايب البي انتم .. 

فديتكم نفراً نفراً .. 

كَان هنا حموّتي : $ < - ض1

-

,

مَعليش شَطحه , 

هذا خلّودي ولد اختي .. 

بِ 3 ابتدائي , 

جاني اليُوم يقولّي بقولّك شِعر كاتبه ض1

قلت تفضّل قل يا بِعد تسبدي .. المهم فقالّي وتنبّأْت بِ موهِبه بإذن الله : $ 

شوفو معِي وقولو ماشاء الله , بِ عمرِهـ حاقه حِلوَهـ والله .. 

" لو كان الحُب داخل القلوب .. كان حبّي كَ العواصِف والرّياح " 

,

" لقد دُمِّرَت أحلامي .. لكن ما زِلت قويا وقادراً على تحقيق بعضها " 

,

" الحب , هو الحياه الجميله الرقيقه التي تملا القلب سروراً " 

, 

" لو كان هذا سينفعك .. فاذاً ابتعد ودعني وشأني , إني كُنت احبك لكن بعد هذه اللحظه اكرهك ولا اريد رؤيتك " 

صح لسانك خلّودي إبن اختي :$ ض1

والله حاقه قميله يَ ناس ض1 

لولا اني اكرهه ولا كان مطختِه ببوسه ض1

- يِمكن إن المُوت ارحم لي واحسن ,

,

ليت البَحر .. غطّى إشتياقي وإندفن !
لِيت التّراب , اللّي بِ أرضه يحتويني !

ودّي بِغيابِه .. أندثر وَسط الكـفن .. !
يِمكن إنّ المُوت .. يِرحم لِي سنيني !

,

- قال إيش .. يبغى لِه غيري / حبيب !

إبعِدُو عنّي .. أنَا مابي سِواهـ !
يَعنِي غِيره لَو حصلّي ( مَا ابيه ) !

شُوفو عِيني كنّ محدٍ فِي حلاهـ ..
هو نصيبي وقلبي هُو فدوه لْ يديه !

لو يشكّك مره في قدرِهـ وغلاهـ ,
والله إنْ رُوحِي ترا تِطلع عليه ..

كافي إنّي .. حتّى في نُومِي أراهـ !
وكافي إنّه لَو طلب قلبي يجيه ..

 

,

ايه والله قلة حيا ض1

اممم ترآ محمل 700 صورهـ 

كل ما اروق بجلس الف صوره صوره .. وبجلس اكتب عليها ض1

فَ تحمّلو الشطحات ض1

-

السّلَآم عَليكم , 

حيّ الله كِل من يدخِل ويتابِع , : $ 

وحيّ الله كل ابو وَاحد فيكم , 

وِشسمه حبآيبي , 

انا مع التّعليقات والله اتحمّس وافرَح اكثر ,

أحِس إن فيه شي حلو اكتبه ض1 

فَ أتمنّى كِل من يعجبه شَيء 

يضيف تعليق على الشيء اللي اعجبه

دُمتُم بِخير ,

- اكتساني النّوم / ولا عنّه دريت ..

ما لقيتك .. واكتسى جفني خمول ..
           قِد فقدتك !
                               وما لقيت إلا الوِسادهـ !

احتِضنها ..
           وآتخيّلها " خيَالك " .

 يِمكن إنّي بالوِسادهـ ,
                        ( أكتِسب / ذِكرى حِنانك ) !

لِيه عني ؟!
كلّ ما عنّي تغيب ..
           ما احس ..
                       ولا اشوف ..
                                    إلا خيالك ..

طِيبتك .. همسِك / جِنانك ..

لِيه عنّي ..
    كلّ ما عنّي تِغيب ..

                     لا أحِب ..
                                  ولا أبِي ..
                                                         غ ــــِيرك حَبيب ..

- انتظرتك .. ولا زهقت الانتظار = )

ما غِير أقلّب فِي ثنَاياهـ الكِتاب .. 

يِمكن ألاقي .. صَفحه | إتذكّرني فيك .. 
 

ولّا ألاقي .. حَاجه مِن بعد الغياب .. 

 تِجعل .. يدِيني ( كنّها بِ كفّة يديك ) ! 

رُغم المسافه .. وشوقي / وايّام العذاب , 

ما مَلّ قلبي / كل ليله يِحتريك .. 

.

ان كان حبّي ..

                      ما لفت فيك انتباهـ , 

                قلّي ( وبصدِم ) خافقك

                                     يِمكن / تِحس : (

- فِتنه , ولا ملَاك : $

جيتها معرف لها درب وسبيل ,
جيتها من حيث لا اعلم وجتني ,

بِ نظرتينٍ صاحو العالم قتيل ..
مدري كيف / وكيف مدري صوّبتني ..

آتظاهر .. كنّي باللّقيا ثقيل ..
ويِعلم الله .. كم بهاللحظه اشغلتني .

أشعَلت لِلحُبّ هي رآس الفتيل ,
إسلَبت عقلي وتفكيري وخذتني ..

تِشفي الخافق مِن الهَمّ و تِزيل ..
كِلّ آلامِي  , لَوْ إنْهَا قَابلتني ..

فيهَا وَقت الحُبّ لَو إنّه طويل ..
يِقصر بْعذب الحروف إليا رِوَتني ..

ضِعت انا ما بين أقوالٍ وِ قيل ..
هِي ملاكٍ / ولا هِي فتنه ( اسحرتني )


,

وسلامَتكم .. : $ 

وشسمه ايه صح مساء الخير ض1

- حرّهـ مًا تِنقاد ,

يُوم المسافه ’ تِقطع الاحباب ,
تِكفى عيُونِك .. لا تقاطعني وتغيب ,

خلّك بعيدٍ عَن معاذير الغياب ,
إوْصل صِديقك / لَو هُو ما كان الحبيب ,

يِمكن يكُون الهَجر للصاحب عذاب ,
ولا يكُون البُعد هُو أقسى نِصيب ,

لا تكحّل عِينك ( الحرّهـ ) بْ عِتاب ,
أو تجمّع شَرهه / وأحزَان وْ لهِيب ..

أو يِقُودِك : حِسنك ( لْ مِرّ الصّعااب )
البِعاد , وتَرك مِن هُو لِك " قريب " ..

لا تغرّك .. دِنيا مَاليها الخَراب ,
دِنيا فيها الصّدق هُو حااجه تعيب ,

كُونِي إنتِ فُوق هامات السّحاب ..
حرّةٍ مابِه سهامٍ ( بِك تصيب ) ,

وافتحِي فُوق الثريّا ألف باب ,
تِدخله .. ناسٍ بِشوفك تستطيب ..

قِد سألتِك عن خفى سِر الجواب ..
والخَفى هُو كان عِينك لي : تِجيب ..



,

هذي القصِيدهـ كِتبتها بِ صفحة حرّه ما تنقاد ,
قلم يستحق المتابعه والله وانا من روّاد مدوّنتها

ع السريع كتبتها ولا رجعت اعدّل ولا ترآها بحاجه لتعديلات

تستاهل الحرّه , 

وتعليقاتُكم لا هِنتم / ترآها حافز لِي عشان اكمّل بالمدوّنه هنا ض1 ق3

درجتين : (

ما جيت ابطلب للخطايا مغفرهـ
ما جبت حاجه فوق طاقات احتمالك ..

مرت سنين العِمْر والليل اسهرهـ
ما غير اجمّع في جوابي لك سؤالك ..

جيت اعتذر لو هو بقالي معذرهـ
رغبه بنفسي وحلم ما يطري ببالك

اما نجاحٍ"ن" الضّعِف هو يكسرهـ
ولا بلاش من الاصل آقف قبالك ..

كسْرٍ بِعلمي وفي يدينك ( تجبره ) ..
آمر , تدلّل كِلّ ما تطلب حلالك ..

العِين تِبصر " قدّ ماهي المقدرهـ " ..
واليَد تِجلب " كلّ ما يطري بِ خيالك " ..

هي خطوتِينٍ ( واطلع "ا"مْن المَقبره )
سهّل أمُوري جِعْلي مَا احرَم وِصالك ..

فرصه طلبتك النّقِص ابغى اقهرهـ ..
لا تِحرم اللّي فرحتِه بِ فرحَت عيالك ..

جِيتك من الضّيقه حرُوف ( امبعثره ) ..
تِكفى تلملم شملي في كفّت شمالك ,

, 

وسلامتكم : $ 

هذي سلّمكم الله عندي نقصص بالعرب درجتين :  ( 

و قالي مافيه زياده ولا شي : ( 

تحطمت كل شي كاامله الدرجه واخر شي هنا بالعرب التقييم اجيب العيد < - طبعا نظام مطور انا ض1 

لاحد يقول ب الابتدائي الحين ض1

فوشسمه كتبت هذي بحصته بِ 10 دقايق يمكن ض1 

رأيكم بتعليقات لَا هنتم : $ 

,

- ما عِدت أدري ..

- 

مدرِي أنَا ميّت عليك .. 

أو شغَلني الشّوق فيك .. 

المُهم هي كَلمتين .. 

أعشق وْصالك / وأبِيك ! 

لو درى هالشوق فيني , 

عَن كِثر مِن هو يبيني , 

ما تحمّل مرّ هجرك .. 

والف غِيرك هِي تجيني .. 

الوِكاد إنّي وفيت .. 

ومثل قلبِك ما لقيت .. 

ولو بغيت اقطَع وصالك .. 

اعرفي إنّي انتهيت .. 

إنتِ هالدّنيا بِ عيني .. 

وردَهـ / في كفّت يميني .. 

إنتِ في وصفِك ( حرُوفي )

عَاجِزهـ تُوصِف حنيني .. 

صبَاحكم سُكّر : $ ,

- تِكذب علي ..

مهما تخافي / بالغلا .. مفضوح !
                          الشّوق : واضح " مِن نِظر هَـ العـــِين " ..
تِكذب عليّ ان قلت انا ما بوح ..
                               وِش لون تخفي / عِشق مالِيه الحَنين .. (U) ؟!

جيت سالم ..

جِيت سالم يَ ملكنا يَا عسى عِمرك يطول ..
نوّر الدنيا حضُورك .. يابعد كلّ الحضور ..

ضاق شَعبِك في غيابك / جعل اتعابك تزول ..
واظلَمت دِنيا وطنّا , واشْعلت جيّتك نُور ..

إنت وحدِك يَابو متعب .. كلّ من غيرك عذول ..
يكفي إنّه في رجوعك ’ يكتسي شعبك ( سرور )

أنظِم أبياتي تَهاني ’ وأحتفل فِيك بْ ذهول ..
فرحةٍ بك ما وسعها , جِيل يَكتبها بْسطُور ..

نِجعل الأصوات وحدَه نِدعي بْلهفه نِقول ..
يحفظِك طول اللّيالي / والدٍ شهْمٍ " وَقُور " ..

-

كنّ عيني  / لحظَة " اللّقيا " ابْصرت .. 

                    شُوف مَن هي " كلّ ما جِت .. تِكتسيني .. "
شفتها .. | مدري | .. على بالي طرَت , 

                       هي حقيقه / لَو هي في حلمي تجيني !

,

-

بسم الله الرّحمن الرحيم .. 

حيّ الله مِن نوّر المِكان .. بِ وشسمه خشّته , : $ 

في هذا اليوم 3 / 2 / 1432 .. 

نفتتح المدوّنه الإلكترونيه الأولى اللي بالشّكل هآيدا : $ 

راح تكُون لِ تدوين يوميّاتي ..

فَ مُهب شرط انّي أنزّل أبيات دايم هِنا .. 

مساحه خَاصه لِ سوآليفي ومشآعيري الجيّاشه : $ 

 و أهلَن وسهلاً بِكُم جميعاً