يوسفيّة حِسن يَ طاغي حلاها
يُوم زاح الرّيح عَن سِتر العبايه ..

خَيزرانه , مالت أغصاني وراها
وابتدت فيها تفاصيل .. الحكايه ..

يَ حلاها كنّ ما زِينٍ .. سواها
أغنجِيّه , يرتوي فيها , ضِمايه ..

فيها سِحري وانفتاني في هواها
وفيها دائي ثُم عذابي ثُم شفايه

فيها رُوحي هايمه داخل سماها
ضايعه ما بين كَم حاجه وِ غايه ..

يَ ملاكٍ طِهر هالدّنيا .. مًلاها
" مِنثني ما بين ضلعِينك هَوايه "

يَ ملاكٍ عذّب الخافق.. غلاها
" ما أبي نآسي مدام إنّك معايه "

الملاك .. اللي تفاصِيلي بْشفاها
والله إنّه قربهَا .. بْعيني كفايه ..

مدري يَ طير الصّباح إشلُون حالي ..
هُو انا ميّت بعينه . . وِلا ( حَيّ )

هُو انا اللي لا ذِكَر يِذكر , خَيالي ..
أو انا طيفٍ .. بِديله ( ألف شَيّ )

الجواب اللي تِحيّر بِه . . سُؤالي
وِ إنعكف مَ بين شَمس وبين فيّ

بَعد كِل اللي مِضى تعشق بدالي ؟!
ولا كَأن بِ ليلةٍ كانت لِي ضيّ ..

حبّيتها وِمن زُود ما تسكن ببالي
كِنت أظِن الشّوق كل لحظَه شِويّ !

كِنت أحسبه لَو خطر في يُوم غالي
دُونها يعنِي أخُون ( العِشق بِيّ )

ما كان يِملا عيني وصحرآ رِمالي
إلا إنّي .. مِن هَدبها . . أرتوِيّ

و يَا طير قلّي كيفها أخبآري وِحالي ..
هُو انا ميّت بعينه . . وِلا ( حَيّ )

,

العِيُون . . اللي قَبل أنطق , قرتني ..
يُوم مات الصمت . . بيدين الحنين

يومها . . من قبل لا أضمى سقتني ,
طِبّ جرحٍ . . قد تعانقني .. سِنيين

جرح مَن هي من بقى ناسي خذتني
ثًمـ رِمتني بِ الهوى طفلِ , حَزيين

مَ كستني , غِير بِ أشواقٍ " كستني "
ضِيم وقتٍ , وِ انكسارات , وِ أنين

جَت سراب , وفِي سرابٍ , عَلّقتني . .
جَت حكايه , تِنتهي مَ أدري وِيين !

حِلم جَتني , وبِ الأماني عشّمتني
وسط صحراء الشّوق خلّتني رهين

,

بَنينا بالعشق فينا , أماني والأماني كِبار ..
بنينا الشّوق والذّكرى وِدمعٍ شامخٍ , فينا ..

رِسمنا للأمل صُوره , بِريشه كَنها " مِسمار "
حِبرها داكنٍ أسوَد , نِبع مِن داخل يدينا ..

أعزي قلبي من جرحِك حسيبه قلبك الغدار
حسيبه ماضيٍ أسوَد , بِظلم الشّوق يدمينا

يوقّف نزف أفكاري على حَبل الرّجا مِحتار ..
يجر الآآه في صُوته ليا مِن مرّ .. ماضِينا

تِجيبه صِدفة الدّنيا , ويقُول إن اللقا أقدار !
مِصير الحَيّ يِتلاقى وِلو طالت .. خَطااوينا ..

آتلعثَمـ ، لَــو تِمرّيني خيآل ،
كِيف حآلي لو هي آلـ صدفه إجـمعتنا ؟

غِيرك إنتي ، مَ بقى لْ غيرك مِجال
كنّ رَبي ، ل بعضنا احْبابٍ ، خلقنا

إيه أحبّك . . مَ تبي ايّت . . سؤال
إيه نبض العشق . . يَ قلبِي ، غِمرنا

مِن عرفتِك . . مَ أبي غيرك مُحال
نعمةٍ إنتِ . . وربّي بِك » رِزقنا «

وردةٍ . . مَ مثل أنفآسك . . جَمال
مَ انخلق ، مِن يشبهك والله بْ زمنا

سِكّرهـ . . ذابت على كَف الكَمال
حسنها فِتنه ، بِـ هـالدنيآ طغتنـا

مَا عرفت ، أوصف شعُوري باعتدال
والله إن الحُب ، قَبل احكي فضحنا

والله إني . . أجمعك بِين الظلال
ثمـّ أبعثر . . كِل هالعالمـ » بَعدنا

ثمّ أسكن . . خافقك حتّى : يقال
لا وطن غيرك ، ولا غيرك وِطنا

ولو بغيتي آقف بــ وسط الرجال
وارفع ب صوتي ، ترآ حبّك ذبحنا

والله إنّي . . واصلٍ حـدّ الهبال
وِ خلي اللّي ما درى عنا . . يعرفنا

ولآ يغرك ، مِن يقول آلحُب » زال «
فترةٍ . . ماتت مَع جيلٍ ، سبقنا

ما يمُوت العشق دام إنّه . . حلال
ودام كِل آمالنا . . بِ ليلة ، فَــرحنا

كلّـها أعوام . . لَـو إنها طِوال
وِ نجني اللي من زمَان أوّل زرعنا

معرسين اثنين : وِ شويّة عيال
صبرنا هذا . . وِ هذا هُو ثِمرنـا

,


عِذر وش عذر المفارق ,
دامني بِ الهـَم , غَارق . .
دَام  دمعاتي . .  تِقرّر
أيّ  أفراحي . . أفارق

السّنين العُوج . . عادت
مِثلما أوّل . .   تمادت
بِ الجراح المِرّهـ فيني . .
زوّدت " نزفي " وِ زادت

آآهـ . . وِين ألقى حَنان . .
أو حِضن , كِلّه أماان ,
وين بس ألقى , مِكاني
ضِعت في وَهم الـ زماان

ضِعت ما بيني وبينك
فاقدٍ . . لمسة يدينك
ترثي الدّمعه , عِيوني
لا طرت ذكرى سنينك 

ما عاد تِسوى , يَ ضِمى قلبي إستريح
خِلّك خذاهـ الوَقت . . ’ مَع غيرك وراح

ما وِدي احلف لَو بنُو بِ اسمك ضريح
ما هلّ دَمع العِين لو لحظَه . . وصاح ,

جِيته حَنين , وِرد لي صُوتِه ’ صرِيــح .
يِطلب فراقي , مِعتقد ( هَجرِه , مُباااح )

وجِيته شِمُوخ , وِ ما دريت إني بطيح
بيدِين مِن هُو زاد آلآمي . . ( جِرااح )



6 / 9

#


يَا قسى , كَتم المشـاعر . .
لا غدا بي الصمت شاعر
لا غدا بوحي . . ضروري ,
وقِمت عَن بوحي , أكابر

الزمان يعيد . . " نفسه " . .
الــدّمــوع , وِ كل ( هَمسه )
كِل جرحٍ . . راح ــوقته ,
عِدت مِن تاالي أحسسه . .

زاد صَمتي , مات " بُوحي "
مِن كثر همّي و جروحي ,
من كثر ( آآهِـ ) تِصوّر ,
صَااحت ادموعي , تِنُوحي . .

والقلُوب اللي . . وِفت ,
من على الدّنيا اختفت . .
جَفّ قاع الأرض مِنها ,
, عشّمتني / وِ انشفت

,

الله واكبر يالغياب اللي . . بحدّه
ينجرح قلبي وحالي . . تستضيق
غير ربك من هو يَ قلبي , بيدّه
يجمَع الأحباب لو صدفه بطريق

شاعرك مِن زُود تجرِيحه وصدّه
إنكسر في بَحر أشواقه , غريق
الحبيب اللي خلف بالوقت وعده
في هوَى غيره , تِركني أستفيق

كِنت وحدي دُون هالعالم أعدّه . .
نُور عيني والغلا واحلى , رفيق ..
ما دريت إن العطا كِثره " يردّه "
وان الفرح لا زاد يِتحوّل ل ضيق



4 / 9

,

مَا غِيرك إنتي كلّ ما يَطري غرام . .
ألعَن غرام النّاس وِ اذكر صِفاتك

الله أعلم , لُولا تَجريح , الصيَآمـ
ما كان عيني فآرقت مبسم شفاتك



,

يسألوني عَن مزاياها / وِ قلت !
لا بها ( داءك ) ولا فيها دواك . .
وردةٍ لا شِفتها صِدفه , وِملت
ذِبت مِن سِحرٍ طغاها وِ اكتساك
تِــرضي الخافق لِيا مِنّك زَعلت
بنظرتينٍ , تِرسم البَسمه بْشفاك 
والجواب اللي مِن الأوّل سألت
جنّةٍ فيها : لِيا حبّت ( رضااك )



- إشتقت لِ جو الكتَآبه بْ رمضان < 3 | كِل عَآم وأنتُم بخير . . < 3

قِل للذي , ذِكراهـ هَزّت خفُوقي . .
لا يطوّل بِ الغيَاب الله حسيبه ,

سالبٍ عقلِي وِ تفكيري وِشوقي . .
مِدّعي بُعدهـ قِدر قلبي ونصيبه ,

- دُون موعِد . . عَاد " حُــبّك " !

كفّنوني . . وادفنُوا شُوقي معاي
وانثروا الذّكرى على أعتاب بيته

كان ما غِيرهـ بهالدنيا . . مُناي
لا ولا غِيرهـ بهالدنيا . . هَويته

كيف بحيى ليلي مِن دُونه غلاي
وكلّ ليلي كَان في حبّه , حيِيته

كِنت أنا في شُوفته أمسح عناي
أنسى أحزاني ليَا مِنّي , لِفيته !

الوصل فيه إرتوى شِدّة , ضمَاي
فيه اندثر شُوقٍ من غيابه خذيته

فيه القِدر وافق بِلحظتها , رجاي
يكتسيني حُب مِن مبطي نسيته

سيّرتني كِيف ما أدري , خِطااي
وِ اجتمعنا دُون مِيعادٍ , لقيته

رد لي من شوفته ماضي هواي
ثمّ داوى قلب من بُعده كويته

قد مسحت الحب من عالي سماي
وقد نهيت القلب عن حبه نهيته

ما دريت إنه سكن خافي حشاي
صَرح : بِاسمه في تفاصيلي بنيته

أعشقه من منعم أظفاري بصباي
عشق لو يطلب عيوني له عطيته

الحبيب . . اللي ب يدينه دواي
عاد في قلبي وكما الماضي حويته

تهت أداري من العرب فرحة شفاي
وغصب عني أنفضح كل ما طريته

,

’

الورود اللي بشوفك تبتسم
والعطُور اللي من ( انفاسك تغار )
والفرح هاللي بِعيني ينرسم
 لحظَة أشُوفك مِن بعد طول انتظار

بيتنا حرف الجنون اللي على وادي القصيد
ودارنا زُمرة مشاعر من عنى ألفين " ليله "

والحَكي جُملة سكُوتٍ صاغها الفِكر العنيد ..
عِذر دمعات المفارق دَرب أحزاني وسبيله

انكساري وانهزامي . . ثم وقوفي من جديد
العناد اللي توسّط في مساراتي الـ طويله

والمحبه والصداقه , والوَعد لِ القلب " قيد "
ترتبط فيها السعاده بين محبوب وِ خليله

والأمل نُورٍ تلألأ , ضيّ آتٍ مِن " بعيد "
الصبر مِفتاح دَاره حظّ مِن هو اللي يشيله

والفرح امسح دمُوعك واجعل الخافق حديد
لا تبالي بِ الجراح / وِ خل انفاسك عليله

حظ مِن هو اللي بحظّه نام في ليله سعيد
الفرح طاغي همومه جاعل احزانه ضئيله



,

كنت بكمّلها وبنزّلها قصيدَهـ , بس ما حسّيت انها قد المقام < 3

لك في ضميري و خافقي لك كلمتين
الحُب أوّلها , وتـآلـيـها وداع
ما انلسع مِن نار حبّك مــــــرّتين !
وما تعنِي الفرقى لأيّامي : ضياع !
ما هزّني : تجريح أوهامك ( سنين )
طبعِك لَئيم وِممتلي كلك خداع



,

. . فِي حِضن كف الثّواني إجتمعنا ,
. . وِ إفترقنا قـبْل لَا نِكمل , دِقيقه
. . هِي كذا ع المًر هالدّنيا أجبرتنا
. . الفَرح ما يِكتمل مِن دُون ضِيقه ,

حروف الحُب : لا صَامت عيُونِي عَن هوا هالنّاس ,
تفارق مِن حلا شُوفِك . . جميع الخلق , ( تنساهم )
يحبك يِعشقك قلبي . . يبِيك , ولَا يبي .. أنفااس
سوَا حالي , نِفس قِربك , عيُونِك لِيت . . يِلقــَآهمـ
احبّك . . ما هي بْ كلمه / على درب الغلا تِحتاس ,
احبك صغتها نبضٍ . . غلا طاغي , بِ ( دنياهِمـ )
قبل لاشُوفها عِينك . . اصُوغ الشِّعر دُون إحساس
مراكب : مِن قِرى صمتي / يقُول العِشق ( أنهاهُمـ )
ألآ يَ جنة الدِّنيا , بشُوفِك ( يِنجلي كِل بآآآآس )
بشُوفِك ينجلي همّي , عِيُونِك . . حِيل أهوَآهمـ

كَن المِسآء , لَا مِن تلحّفها . . غرَام ,
صَاحت نـــِـجُوم اللّيل / يَ حظ المسآء

في شُوفها , لذّة شِـــعُـورٍ وِ إحتــــدَآم . .
إنْــها مَلاكٍ . . مَا هي مِن باقي النّساء

ما للزمن يَ صاحبي أيّة عتب ..
وما للحنين الا نقول الله يعين
دام الهوى يجرح ضمير اللي يحب
مات الضمير ومات به كل الحنين
قبل ارتويت المر من يدّك عذب . .
وقبل المصيبه كل ما شفتك تزين
دارت سنين العمر ثم حالي قِلب
وكن المشاعر كل ما جيتك تشين

 

- وحشتونن  : $ 

ذاك الغرام اللي توسّدني وكان ..
طفلٍ يبعثر بـ الحنايا امتعه ..
جاني مع المغنى تفاصيل وحنان ,
يطلب وصالي كلّ لحظه وامنعه
ضاعت بي الفرحه على مرّ الزمان
لاني قدرت آبعثره .. أو أجمَعه ..

- قانُون قلبي ..

" قانُون قلبي "



لي صاحبٍ لا ضاقت الدنيا أجيه ..
يمسح دموعي ويدثر الآهات فيني

يرسم لقلبي بسمة الكُون بيديه ..
بهجَة حياتي شوفته , ضيٍّ لِعيني ..

هُو طاهر الإحساس ؟ , أو كلي يبيه ؟!
هو خافي الذّكرى وهُو مطلب سنيني ..

يالله عسى لا تقسى هالدّنيا عليه ..
وان كان بِه سوءٍ / بدَل عنّه " يجيني "

كم ليلةٍ فيها الأماني .. ترتجيه ,
لا كان وحدِه يذكر أيّامي و حنيني ..

هذي حياتي عِشتها .. مِنّه وفيه ,
وهذي حياته : كلّها مِنّي وِ فيني ,

كلّ المشاعر شفتها يُوم أبتديه ,
هو كذا " قانون قلبي" مبتليني ..

جعل الهوَى اللي قد بلاني .. يبتليه
يجتاح قلبه , ثم قلبي / ويكتسيني ..

ماني أحبّه , لا وربّي مِهتويه ,
واكبر دليلٍ لِه حياتي , ويفتديني

الصّاحب اللّي كلّ رُوحي تبتغيه ,
يفداه قلبِي .. دام إنّه مهتويني , !

لي عزّةٍ مابين خلق الله عليه ,
ولِه عزةٍ ما بين هالعالم بِ عيني ,

خلٍّ"ن" وعدتِه يُوم أتمسّك " يديه "
وقت الشّدايد ما أباعدها يدِيني ..

-

الدّمع لو رجّع حبيبٍ ما منعته ..

لَانْثر دِموعي وِين مَا امسي واصبح !

والشّوق لوّه مِن إخواني .. هجرته ,

لاقْطَع وصاله : لجْل أنا ارتاح وأربح ..

والحُب " طعمٍـ" لو تعاطِيته / وِ ذقتَه ..

ما كان غيره يجرِحك مــِـرّه .. ويذبح ,

خلّيت " دمعي " حِسبت أولادي وِ صنته ,

داريت كَسره / لين حبّيته .. وِ جرّح ,

, ............ داريت كسره , !

                           " لِين حبّيته وِ جرّح ",

- 

مُو بالمُستوى بس احمدو ربكم طلع شي ض1

|||

شفتِي الورُود اللي بِ شوفك / واقفه ؟!
وكل الرّحيق بْ وسطها .. تِستنزفه ..
وشفتي العيون اللي بِكحلك , غآرقه = $ !
لا مَر طيفِك .. ثمّ " طيفي إستوقفه " ..

واوِيل حَآلي .. وِين أودّي العاطفه ؟!
ما دام إني .. صرت بُعدك آلفه ..
وما دام قلبِك .. قِد طلبتي آفارقه ..
النفس صارت .. من بعادك خايفه ..

- بعثرت أوراق .. ,

.. {

ليلَة فراق وِ حلم وآهــآت وحنين
وإحساس شاعر تَاهـ في صفحة غياب

و صُورة ألم مَا بين دمعاتٍ وِ عين
وصرخَة عتابٍ تِحكي أشكال العذاب ..

وامواج بَحرٍ هاج في قلبي سنين
و مرسى حبٍّ"ن" صار في عيني سراب

وطير يَحمِل بالوَله شُوقه / حَزين !
ظنّ فيكِ الحُب يستاهل وخاب !

ورِيح عِطرٍ كان في ثُوبي رهِين
يُوم أضِمّك وأمسح بيدّي العِتاب

يَا كم تباعدنا اللّيالي وِ ترجعين
مِن على بُعدِك ( كأنّك بِ اغْتراب ) !

ما توقّعتك بِ ليله .. " تهجرين " !
عارفٍ طبعِك ولا حِنّا " بْ غِراب " !

ناسيه يومِك قبل عامٍ تجين
قلتِ إنّك دُون شوفي بِ اكتئاب ؟!

يُوم كِنتي صُوب عيني تنظرين ..
وقلتي إنّه لِ العشق مليُون " باب " !

وغير بابي ما بغيتي ولا تبين ؟!
و لا نِطرتي مِن كلامك لي جواب ؟!

وبعد كِل الحبّ هذا تِجحدين !
" ولا كأن بْ ليلةٍ كِنّا صحاب ؟ "

قِد رميتي السّهم كَم مرّه ألين !
هَزّ قلبي سهمِك و جرّح " وصاب " !

عِمري عِشته لَجْل إنّك تِسعدين ..
وضاع عِمري وتِهت عَن درب الصواب !

كِنت أظِن القلب اللي تعشقين !
مِن زُود عشقك طاح في يدّك وذاب !

كان ظني الأمن ما بين اليدين
ما دريت إنّه بيدّينك خراب ..

وكِنت أظِن الشّين فِي شوفك يزين ..
لِين " شان الزين " مِن شوفك وشاب ,

-

يَ عيُوني ..
لا تنَاآمِي .. لا تناآمِي
موعَد العشّاق ..
باقِي له ثِواني ,

يَ عيُوني ,
اسهرِي لجْل انتلاقى ,
سلهَم جْفُونه ..
رماكِ ثم رمَاني ,

يَ عيُوني ..
دارَت الأياّم فينَا ,
هو عشقنِي ..
ولا بغى انسَان ثاني ,

كم بغُوني ,
لا ولا حبّيت غيره
هو حبيبِي ..
وحده بالدّنيا كفَاني ,

لو بغَى ,
عِمري .. وذا عِمري عَطيتِه !
فِدوه لْعينه ..
مِدام انه بغَاني , !

يَ عيُوني ,
اذكري ماضِي سِهرنا ,
يُوم قال ..
انّه كذا فاقد حناني ,

ما تفرّقنا ..
ليَاالي لَ اجْتمعنا ..
ولا يفرّقنا ..
قِسى " حِلم الأماني " !

عاشقين أثنين ..
كَم هِمنا / وعِشنا .. !
بالهَوى إحساس ..
ذوّبني .. وِ نساني : $ !


-

لا وفى باقي ولا باقي حنين
راح كلّ اللي بيدّيني ملكته

بين ذكراها وآلامي سجين
اتندّم عاللّي قد فات وخسرته

مرّت أيّامي كذا كَنْها سنين
ما نفعني فيها دَمعٍ قد نثرته

ليتها حالي ولو مرّه تزين
يمكن إنّه يرجع اللي قد فقدته

-

 لا تبعد أنظارك دخيل الله وتروح ..
أوّل رحَلت وما بقى إحساس فيني !

أربع سنين وخافق الذّكرى ينوح ..
يرثي ليالي .. لامست يدّك يديني !

توّي دريت .. بْشوفت عْيونك تبوح !
لنتب تبي قربي .. ولا كنّك تبيني !

أربع سنين ! وكلّي آمال وطمُوح !
وصلك وقربك.. لين هي ضاعت سنيني !

قِدها كستني .. رِيح أحلامي بْ جروح !
حِلمٍ تبدّد .. و البلا قدّام عيني !

- الضّيق , ضيقي والمِصيبه " لحالي "

لو هي المشاعر .. سهلة التعبير !
ما كِنت أبكتِم .. بالخفى ضيقه , !

ما هُو بكيفي  .. مالهـــا تفسيــــر !
حِزنٍ كساني .. وأصبح لْقلبي رفيقه !

طَعم السّعاده .. أصبح الليله قصير !
ما جاك إلا .. وإرتحل ثاني بطريقه !

ألفينٍ حِلمٍ .. قِد تمنّيته يصير .. !
وما شِفت مِنْها .. غير آلآم الحقيقه !

طَعم الهنا .. ما ذِقت مِن حلوه كثير..
وطَعم الشّقآ .. فيه أنفآسي غريقه !

ذِقت الألم .. والعِمْر بَاقي به صغير ..
جَرح الخواطر .. كَنّه بْروحِي حريقه !

يَاما تِركته .. ثُمّ رجّعني المِصصير !
حِزنٍ بقلبي .. لا وأكثر هُو " صديقه " !

ماشيت دربِه .. لِين أخطِيت المسير !
ظلّيت عَنّه .. وقلبِي لبّيته أفيقه ..

سِقت البِشاره .. مِن بعد عمرٍ عسير !
وردٍ ذبل .. أصبح " الليله حديقه " !

هذي حكاية .. هَمّ في قلبي كبير  !
بلّيت ريقي .. وما شِعرت إلا بِريقه !

- قبل انام ..

لِعن أبُو بُعد المسافه والطريق !
ما مِلو قلبي سِوا بْ شوق وهيام !

هم هذولي .. سبّت إني أستضيق ,
لا ذكرتِك .. قبل لا عيني تِناآم ..

كلّ لِيله .. كنّي بْ شوفِك أفيق ..
وكلّ مَ اصْحى .. اكتشِف إنّه منام ..

- وينك وحشني حنِينك = (

لا شوق جابك لا حنين وذكريـــَــات
يعني بسهُوله هانت العِشره ورحتي ؟!

خذتي خفُوقي نَزف .. وزدْتِيه طَعنات ..
قِلتِي أحبّك .. لِين حبّيتك " وخِنتي " !


"   "
|

قالت لي صباحِك خير ..
يا قلبي !
عساك الحِين .. تِحلم بي ..
كذا بيدّي ..
كذا جالس .. هنَا جنبي ..
وتحضنّي ..
" صباحِك خير يَ قلبي "

ذبحني الشّوق ما تدري ؟!
على بالك ولا يَطري ..
تصدّق مِن كثر شوقي ؟
موقّف بالبُعد عِمري ..
" صباحِك خير يَ قلبي "

خذتني لِك .. احلامي ,
وجابتني ..
خذتني لك .. اوهامي ..
وخلّتني ..
أبَد ما شُوف احَد غيرك ..
" صبَآحِك خير يَ قلبي "

فديتك ..
وِين بس بِيتك ..
أبي وَصفه ..
أبي أعْرف درُوبِك وِين ؟!
وأوْصَل لِك !

جِعل دربِك .. سُموم اشواك ..
أنَا احبك ..
........... انا أهْواك .. !

انا حاولت مِن دُونِك = ( !
عِجَزت احيآ .. عِجَزت أنساك = |

- دخيلك .. لا تطوّلها !

سنينٍ بالعمر مرّت .. ودَمــــــــع العِين يغشااني !
سنينٍ أدثر أورآقي .. وريح الصّبح " تِكشفها " !

فقدته مِن سِكَن قلبي / وراح اليُوم .. خلّاني !
أبعثر بالألَم فيني .. دِمُوع الشّوق ( وأنثرها ) !

دقايق لو يمر طيفه .. أرُوح بْ عالمٍ ثاني ..
أبُوه الشّوق يا عالم .. ترا حالي مِبهذلها ..

قبل عَايش كذا عادي .. وجاء حبّك وِودّاني ..
لموطن ما اشوف إلا بِه ادروبك واعشقها ..

تصدق من كثر عشقي خيالك مرّ واعماني .. !
وصرت إنتَ الوحِيد اللي بِه أشعاري أردّدها , !

دخيلك لَا تطوّلها .. غيابِك حيل أشقااني .. !
سنِين العِمر قِد مرّت .. وانا ما غير أحسبها ..

حسبت البُعد لِه حيله .. و اثاري البُعد عُدواني !
مشاعر مالها غِيرك .. ولا غِيرك يروّضها .. !

ترا ما جاني في بُعدك .. كفايه حيل ما جاني !
دخيل الله لَو تدري .. عيُونِك " كِيف أنطرها " !

أقول الشّوق يَ حبّي .. تِقول الشّووق " يفداني " !
كذا واثق / ومِتمكّن .. خلايا القلب ’ تِملكها !

ترا لو كان هالإحساس .. رجُل بالحِيل عقلاني ..
ابد ما كان في ليله " دِمُوع الشّوق بعثرها " !

انا ما هزّ بي خافق .. وهدّ اليوم وجداني ..
سوا ذِيك المشاعر يوم .. يجي حسنٍ ويفتنها ..

ليا مِن لامس يْديني .. أضيع بْيدّه وأنساني ..
واقول اللّيله يا جعله " خلايا الرّوح يِحضنها " !

جعل مِن قلّب الذّكرى .. وجرّح قلبي أبكاني ..
يجيه الضّيم في غِيمه وكلّ افراحِه يهدِمها ..

- الحكي ضايع مَعاها وفيها : $

 
يومها تقبل تداعبني بسكوت
يومها مني ولا عني ابعدت

قلت انا للي يصادفها بتموت
بالحسن , ذيك البنيّه مَ اكْـتفت

لو حكينا وضاع فيها كلّ صوت
ما نوفّي جُزء منها لا احضرت

فيها طعمٍ احلى من سكر وتوت
فيها عطرٍ نفسي من شمّه اثملت ..

فيها قلبي لو بغت انه يموت .. !
مات قلبي فِدوَه للي إِطْلبَت ..

حبايب قلبي اللي متابعين = (

معليش ع القطعه عن المدوّنه ..

بس اختبآرات ومافيه الهام ض1

لكن العوض اول ما اخلص بإذن الله : $ ! 

حبايب البي انتم .. 

فديتكم نفراً نفراً .. 

كَان هنا حموّتي : $ < - ض1

-

,

مَعليش شَطحه , 

هذا خلّودي ولد اختي .. 

بِ 3 ابتدائي , 

جاني اليُوم يقولّي بقولّك شِعر كاتبه ض1

قلت تفضّل قل يا بِعد تسبدي .. المهم فقالّي وتنبّأْت بِ موهِبه بإذن الله : $ 

شوفو معِي وقولو ماشاء الله , بِ عمرِهـ حاقه حِلوَهـ والله .. 

" لو كان الحُب داخل القلوب .. كان حبّي كَ العواصِف والرّياح " 

,

" لقد دُمِّرَت أحلامي .. لكن ما زِلت قويا وقادراً على تحقيق بعضها " 

,

" الحب , هو الحياه الجميله الرقيقه التي تملا القلب سروراً " 

, 

" لو كان هذا سينفعك .. فاذاً ابتعد ودعني وشأني , إني كُنت احبك لكن بعد هذه اللحظه اكرهك ولا اريد رؤيتك " 

صح لسانك خلّودي إبن اختي :$ ض1

والله حاقه قميله يَ ناس ض1 

لولا اني اكرهه ولا كان مطختِه ببوسه ض1

- يِمكن إن المُوت ارحم لي واحسن ,

,

ليت البَحر .. غطّى إشتياقي وإندفن !
لِيت التّراب , اللّي بِ أرضه يحتويني !

ودّي بِغيابِه .. أندثر وَسط الكـفن .. !
يِمكن إنّ المُوت .. يِرحم لِي سنيني !

,

- قال إيش .. يبغى لِه غيري / حبيب !

إبعِدُو عنّي .. أنَا مابي سِواهـ !
يَعنِي غِيره لَو حصلّي ( مَا ابيه ) !

شُوفو عِيني كنّ محدٍ فِي حلاهـ ..
هو نصيبي وقلبي هُو فدوه لْ يديه !

لو يشكّك مره في قدرِهـ وغلاهـ ,
والله إنْ رُوحِي ترا تِطلع عليه ..

كافي إنّي .. حتّى في نُومِي أراهـ !
وكافي إنّه لَو طلب قلبي يجيه ..

 

,

ايه والله قلة حيا ض1

اممم ترآ محمل 700 صورهـ 

كل ما اروق بجلس الف صوره صوره .. وبجلس اكتب عليها ض1

فَ تحمّلو الشطحات ض1

-

السّلَآم عَليكم , 

حيّ الله كِل من يدخِل ويتابِع , : $ 

وحيّ الله كل ابو وَاحد فيكم , 

وِشسمه حبآيبي , 

انا مع التّعليقات والله اتحمّس وافرَح اكثر ,

أحِس إن فيه شي حلو اكتبه ض1 

فَ أتمنّى كِل من يعجبه شَيء 

يضيف تعليق على الشيء اللي اعجبه

دُمتُم بِخير ,

- اكتساني النّوم / ولا عنّه دريت ..

ما لقيتك .. واكتسى جفني خمول ..
           قِد فقدتك !
                               وما لقيت إلا الوِسادهـ !

احتِضنها ..
           وآتخيّلها " خيَالك " .

 يِمكن إنّي بالوِسادهـ ,
                        ( أكتِسب / ذِكرى حِنانك ) !

لِيه عني ؟!
كلّ ما عنّي تغيب ..
           ما احس ..
                       ولا اشوف ..
                                    إلا خيالك ..

طِيبتك .. همسِك / جِنانك ..

لِيه عنّي ..
    كلّ ما عنّي تِغيب ..

                     لا أحِب ..
                                  ولا أبِي ..
                                                         غ ــــِيرك حَبيب ..

- انتظرتك .. ولا زهقت الانتظار = )

ما غِير أقلّب فِي ثنَاياهـ الكِتاب .. 

يِمكن ألاقي .. صَفحه | إتذكّرني فيك .. 
 

ولّا ألاقي .. حَاجه مِن بعد الغياب .. 

 تِجعل .. يدِيني ( كنّها بِ كفّة يديك ) ! 

رُغم المسافه .. وشوقي / وايّام العذاب , 

ما مَلّ قلبي / كل ليله يِحتريك .. 

.

ان كان حبّي ..

                      ما لفت فيك انتباهـ , 

                قلّي ( وبصدِم ) خافقك

                                     يِمكن / تِحس : (

- فِتنه , ولا ملَاك : $

جيتها معرف لها درب وسبيل ,
جيتها من حيث لا اعلم وجتني ,

بِ نظرتينٍ صاحو العالم قتيل ..
مدري كيف / وكيف مدري صوّبتني ..

آتظاهر .. كنّي باللّقيا ثقيل ..
ويِعلم الله .. كم بهاللحظه اشغلتني .

أشعَلت لِلحُبّ هي رآس الفتيل ,
إسلَبت عقلي وتفكيري وخذتني ..

تِشفي الخافق مِن الهَمّ و تِزيل ..
كِلّ آلامِي  , لَوْ إنْهَا قَابلتني ..

فيهَا وَقت الحُبّ لَو إنّه طويل ..
يِقصر بْعذب الحروف إليا رِوَتني ..

ضِعت انا ما بين أقوالٍ وِ قيل ..
هِي ملاكٍ / ولا هِي فتنه ( اسحرتني )


,

وسلامَتكم .. : $ 

وشسمه ايه صح مساء الخير ض1

- حرّهـ مًا تِنقاد ,

يُوم المسافه ’ تِقطع الاحباب ,
تِكفى عيُونِك .. لا تقاطعني وتغيب ,

خلّك بعيدٍ عَن معاذير الغياب ,
إوْصل صِديقك / لَو هُو ما كان الحبيب ,

يِمكن يكُون الهَجر للصاحب عذاب ,
ولا يكُون البُعد هُو أقسى نِصيب ,

لا تكحّل عِينك ( الحرّهـ ) بْ عِتاب ,
أو تجمّع شَرهه / وأحزَان وْ لهِيب ..

أو يِقُودِك : حِسنك ( لْ مِرّ الصّعااب )
البِعاد , وتَرك مِن هُو لِك " قريب " ..

لا تغرّك .. دِنيا مَاليها الخَراب ,
دِنيا فيها الصّدق هُو حااجه تعيب ,

كُونِي إنتِ فُوق هامات السّحاب ..
حرّةٍ مابِه سهامٍ ( بِك تصيب ) ,

وافتحِي فُوق الثريّا ألف باب ,
تِدخله .. ناسٍ بِشوفك تستطيب ..

قِد سألتِك عن خفى سِر الجواب ..
والخَفى هُو كان عِينك لي : تِجيب ..



,

هذي القصِيدهـ كِتبتها بِ صفحة حرّه ما تنقاد ,
قلم يستحق المتابعه والله وانا من روّاد مدوّنتها

ع السريع كتبتها ولا رجعت اعدّل ولا ترآها بحاجه لتعديلات

تستاهل الحرّه , 

وتعليقاتُكم لا هِنتم / ترآها حافز لِي عشان اكمّل بالمدوّنه هنا ض1 ق3

درجتين : (

ما جيت ابطلب للخطايا مغفرهـ
ما جبت حاجه فوق طاقات احتمالك ..

مرت سنين العِمْر والليل اسهرهـ
ما غير اجمّع في جوابي لك سؤالك ..

جيت اعتذر لو هو بقالي معذرهـ
رغبه بنفسي وحلم ما يطري ببالك

اما نجاحٍ"ن" الضّعِف هو يكسرهـ
ولا بلاش من الاصل آقف قبالك ..

كسْرٍ بِعلمي وفي يدينك ( تجبره ) ..
آمر , تدلّل كِلّ ما تطلب حلالك ..

العِين تِبصر " قدّ ماهي المقدرهـ " ..
واليَد تِجلب " كلّ ما يطري بِ خيالك " ..

هي خطوتِينٍ ( واطلع "ا"مْن المَقبره )
سهّل أمُوري جِعْلي مَا احرَم وِصالك ..

فرصه طلبتك النّقِص ابغى اقهرهـ ..
لا تِحرم اللّي فرحتِه بِ فرحَت عيالك ..

جِيتك من الضّيقه حرُوف ( امبعثره ) ..
تِكفى تلملم شملي في كفّت شمالك ,

, 

وسلامتكم : $ 

هذي سلّمكم الله عندي نقصص بالعرب درجتين :  ( 

و قالي مافيه زياده ولا شي : ( 

تحطمت كل شي كاامله الدرجه واخر شي هنا بالعرب التقييم اجيب العيد < - طبعا نظام مطور انا ض1 

لاحد يقول ب الابتدائي الحين ض1

فوشسمه كتبت هذي بحصته بِ 10 دقايق يمكن ض1 

رأيكم بتعليقات لَا هنتم : $ 

,